Iarchéimeanna Múinte
Múintear dhá chúrsa iarchéime i Roinn na Gaeilge faoi láthair.
- Dioplóma Iarchéime sa tSean-Ghaeilge
- MPhil i nGaeilge na Meánaoise (Nua-Ghaeilge Chlasaiceach agus Luath-Ghaeilge san áireamh)
Sa bhliain 2025/26, beidh an Dioplóma Iarchéime sa tSean-Ghaeilge ar fáil, maraon leis an MPhil i nGaeilge na Meánaoise.
Cúrsa is ea an Dioplóma sa tSean-Ghaeilge do thosaitheoir le bunús láidir a thabhairt do mhic léinn i dteanga agus i litríocht na Sean-Ghaeilge (600–900). Seo an tréimhse teanga inar scríobhadh seanscéalta ar nós An Táin, cuid den bhfilíocht is áille sa Ghaeilge, chomh maith le Dlíthe na mBreithiún.
Do mhic léinn níos forbartha an MPhil i nGaeilge na Meánaoise. Tá d'aidhm ag an gcúrsa seo na scileanna cuí a thabhairt duit le heagarthóireacht agus aistriúchán a dhéanamh ar théacsanna lámhscríbhinne. Sa bhliain seo romhainn, 2025/26, díreoidh an MPhil ar an Nua-Ghaeilge Chlasaiceach amháin. Déanfar staidéar ar mhodúil ina phléifear pailéagrafaíocht, teanga, meadaireacht, prionsabail eagarthóireachta, teageolaíocht na linne agus saincheisteanna litríochta agus staire. Beidh cúrsaí sa Ghaeilge Chlasaiceach ar fáil gach bliain. Gach ré-bhliain, tairgeofar cúrsaí sa Luath- agus sa Mheán-Ghaeilge ag leibhéal an MPhil agus beidh siad sin ar fáil i 2026/27. Ar na modúil sa chúrsa sin beidh prós na Luath-Ghaeilge, filíocht na Luath-Ghaeilge, dlíthe ón seanré, agus stair na teanga agus na teangeolaíochta, agus Meán-Ghaeilge.
Dioplóma Iarchéime sa Ghaeilge do Mhúinteoirí
Cúrsa Nua ag teacht
Seoladh an cúrsa Meán Fómhair 2024 agus tosóidh sé Eanáir 2025:
Cúrsa bliana do mhúinteoirí - cúrsa páirtaimseartha dá reáchtáil i gcomhar le hInsitiúid Oideachais, Marino, le cur le scileanna sa Ghaeilge, idir theanga agus litríocht, le go mbeidh múinteoirí a bhfuil Gaeilge acu cáilithe le í a theagasc. Tuilleadh eolais anseo agus le teacht.