M. Phil i nGaeilge na Meánaoise
Aidhmeanna
Tá d'aidhm ag an gcúrsa seo na scileanna cuí a thabhairt duit le heagarthóireacht agus aistriúchán a dhéanamh ar théacsanna lámhscríbhinne. Sa bhliain seo romhainn, 2025/26, díreoidh an MPhil ar an Nua-Ghaeilge Chlasaiceach amháin. Déanfar staidéar ar mhodúil ina phléifear pailéagrafaíocht, teanga, meadaireacht, prionsabail na heagarthóireachta, teangeolaíocht na linne agus saincheisteanna litríochta agus staire.
Beidh cúrsaí sa Ghaeilge Chlasaiceach ar fáil gach bliain.
Gach ré-bhliain, tairgeofar cúrsaí sa Luath- agus sa Mheán-Ghaeilge ag leibhéal an MPhil agus beidh siad sin ar fáil i 2026/27. Ar na modúil sa chúrsa sin beidh prós na Luath-Ghaeilge, filíocht na Luath-Ghaeilge, dlíthe ón seanré, agus stair na teanga agus na teangeolaíochta, agus Meán-Ghaeilge.
Féadfar gabháil don chúrsa mar dhara bliain ag tógáil ar chúrsa agus ar thaithí a gnóthaítear sa Dioplóma sa tSean-Ghaeilge (a bheidh ar siúl 2025/26).
Lámhleabhar don chúrsa ar fáil anseo.
Faid
Mairfidh an cúrsa bliain iomlán acadúil, ag tosú Mí Meán Fómhair, agus tá gá le staidéar lán-aimseartha chuige. Féadfaidh mic léinn nach bhfuil aon eolas acu ar Shean-Ghaeilge réamhchúrsa bliana a dhéanamh, .i. cúrsa an Dioplóma sa tSean-Ghaeilge (féach leathanach an Dioplóma). I mbliain an MPhil, déanfar mic léinn a mheas le scrúdú (sa samhradh) agus le tráchtas de c.20,000 focal.
Iarratais
- Ní mór d'iarrthóirí ar an MPhil céim mhaith Onóracha a bheith acu (2.1 nó os a chionn) sa Ghaeilge nó in ábhar gaolmhar (m.sh. Stair, Seandálaíocht, Teangeolaíocht).
- Le staidéar a dhéanamh ar an Luath-Ghaeilge ar an MPhil i nGaeilge na Meánaoise, ní mór bunús láidir sa tSean-Ghaeilge a bheith ag iarrthóir, trí marc 50% nó os a chionn a bhaint amach sa Dioplóma sa tSean-Ghaeilge, nó inniúlacht inchomparáide a bheith acu.
- Le staidéar a dhéanamh ar an Nua-Ghaeilge Chlasaiceach ar an MPhil i nGaeilge na Meánaoise, tá bunús maith sa Nua-Ghaeilge riachtanach.
- Ní mór iarratais iontrála a sheoladh trí chóras iontrála Choláiste na Tríonóide roimh 30 Meitheamh sa bhliain ina lorgaítear iontráil.
- Glacfar le mic léinn gach ré-bhliain. 2026/27 an chéad tráth eile.
Obair an Chúrsa
Mairfidh an cúrsa múinte dhá sheimeastar, agus beidh sé uair an chloig teagmhála sa ghné múinte den chúrsa, mar seo a leanas:
| Nua-Ghaeilge Chlasaiceach | Luath-Ghaeilge |
| Pailéagrafaíocht (1 u/ch) | Prós na Sean-Ghaeilge (2 u/ch) |
| Meadaireacht (1 u/ch) | Filíocht na Sean-Ghaeilge (1 u/ch) |
| Teanga (1 u/ch) | Teangeolaíocht chomparáide (1 u/ch) |
| Linguistic tracts (1 u/ch) | Dlí na Luath-Ghaeilge (1 u/ch) |
| Eagarthóireacht lámhscríbhinne (1 u/ch) | Meán-Ghaeilge (1 u/ch). |
| Encountering the text (1 u/ch) |
Ní mór miontráchtas de c.20,000 focal, dhá chóip clóscríofa, a thabhairt isteach roimh 30 Lúnasa na bliana chéanna.
Tá Lámhleabhar don chúrsa MPhil. ar fáil anseo.