Dioplóma Iarchéime sa Ghaeilge do Mhúinteoirí
Fáilte
Aidhmeanna
Tá Coláiste na Tríonóide, Baile Átha Cliath, in éineacht le hInstitiúid Oideachais Marino, chun clár nuálach dhá bhliain a thairiscint atá dírithe ar scileanna múinteoirí cláraithe iar-bhunscoile sa Ghaeilge a fheabhsú. Beidh rannpháirtithe an chláir in ann clárú chun an Ghaeilge a mhúineadh go dtí leibhéal na hArdteistiméireachta i scoileanna tar éis dóibh an clár a chur i gcrích go rathúil.
Cuirfear an clár páirtaimseartha seo, a thosóidh mí Eanáir 2025, ar fáil ar bhealach solúbtha agus nuálaíoch chun rannpháirtíocht leathan a chumasú, chun freastal ar mhúinteoirí i róil lánaimseartha agus pháirtaimseartha araon, chomh maith leo siúd atá lonnaithe ar fud na tíre.
Déanfar an clár a sholáthar ar bhealach a chuirfidh ar chumas rannpháirtithe tabhairt faoi eispéiris foghlama nua thar fhoghlaim duine le duine, ar líne agus bunaithe ar chleachtas.
LEAGAN BÉARLA:
Trinity College Dublin, alongside Marino Institute of Education, will offer an innovative two-year programme aimed at enhancing the skills of registered post-primary teachers in Irish. Programme participants will be able to register to teach Irish to Leaving Certificate level in schools post-graduation.
The programme, beginning in January of next year (2025), will be provided in a flexible and innovative manner to enable broad participation, accommodating teachers in both full and part-time roles, as well as those situated across the country.
This programme will be delivered in a way that enables participants to engage in new learning experiences across face-to-face, online and practice-based learning.
Seisiún Eolais
Faid
Maireann an cúrsa ar feadh dhá bhliain acadúil, ag tosú Mí Eanáir 2025, agus is cúrsa staidéir páirtaimseartha é.
Struchtúr freastail: Roinnt eolais sa bhfíseán thuas agus sa seó sleamhnáin ón oíche eolais (PDF de na sleamhnáin Powerpoint).
Iarratais
Dáta deiridh iontrála le haghaidh Eanáir 2025: 13.12.2024
Is féidir gur isteach ar an gcúrsa anois trí chóras iarratais Choláiste na Tríonóide. Seoladh an cúrsa i Mí Mheán Fómhair agus bhí oíche eolais againn ar an 2 Deireadh Fómhair ar líne - físeán thuas.
Le cur isteach ar an gcúrsa, beidh fianaise ag teastáil go bhfuil iarrthóirí ag Leibhéal B1 den Teastas Eorpach sa Ghaeilge (TEG). Tá leibhéil éagsúla TEG bunaithe go ginearálta ar An Fráma Tagartha Comónta Eorpach do na Teangacha: Foghlaim, Teagasc agus Measúnú (Comhairle na hEorpa, 2001). Is féidir fianaise a fháil ó do Ollscoil má tá cáilíocht éigin agat cheana sa Ghaeilge, nó cuirfidh TEG scrúdú ar fáil mí na Samhna sa chaoi is go mbeadh na torthaí sin ar fáil in am le tabhairt faoin gcúrsa.
Beidh an scrúdú sin ar siúl ar an 23ú Samhain. Má bhíonn éileamh an-mhór air, cuirfear dáta breise ar fáil ar an 22ú Samhain. Táille EUR170 a bheidh ar an srúdú sin. Más mian leat go gcuirfeadh TEG eolas chugat faoin scrúdú, líon an fhoirm seo le do thoil roimh an 31ú Deireadh Fómhair: TÁ SÉ RÓ-DHÉANACH ANOIS CUR ISTEACH AR SCRÚDÚ TEG. Má tá litir agat ó institiúid 3ú leibhéal ag dearbhú leibhéal B1, féadfaidh tú fós cur isteach ar an gcúrsa i 2024/25. Faraor, gan an fhianaise seo, is dócha gur gá fanacht go dtí an chéad bhabhta iontrála eile i 2025/26.
Anuas ar sin, beidh na rudaí seo a leanas ag teastáil:
- cóip de do thras-scríbhinn acadúil (íosleibhéal de 2.2 sa Dioplóma Iarchéime nó sa Mháistreacht san Oideachas)
- CV reatha
- iarratas comhlánaithe go hiomlán (ar líne, nasc le teacht)
- fianaise go bhfuil tú cláraithe le Comhairle na Múinteoirí
Riachtanais incháilitheachta agus roghnaithe: tabharfar tús áite d’iarrthóirí bunaithe ar a dtaithí mar mhúinteoirí; ar a scileanna teanga; ar riachtanais na scoile (dearbhaithe ag an bpríomhoide).
Más mian leat ceist ar bith a chur orainn, seol r-phost chuig riarthóir an chúrsa, Caoimhe ní Bhraonáin, ag Dioploma.Gaeilge.Muinteoiri@tcd.ie.
Obair an chúrsa
Struchtúr an chúrsa: Cúrsa solúbtha páirt-aimseartha é an Dioplóma agus dearadh an sceideal do mhúinteoirí atá ag obair go lánaimseartha. Beidh idir léachtaí ar líne (65%) agus ar an láthair (35%) i gceist, sna tráthnónta, ar an Satharn agus le linn laethanta saoire scoile. Beidh tréimhse cónaitheach Gaeltachta i gceist mar chuid den chúrsa.
Bliain 1
- Dánta, stáitse agus scáileáin
- Cumarsáid agus litearthacht 1
- Curaclam agus comhthéacs
- Pobal agus teanga na Gaeilge
Bliain 2
- Oideolaíocht na Gaeilge
- Cumarsáid agus litearthacht 2
- Téacsanna Gaeilge trí na haoiseanna
- An Ghaeilge don Seomra ranga
- Fathaigh an phróis
Beidh 4 sheachtain san iomlán agaibh sa Ghaeltacht i rith thréimhse an chúrsa.
Eolas eile le teacht níos gaire do sheoladh an chúrsa.
Cuirfear leagan amach na modúl agus lámhleabhar an chúrsa ar fáil anseo in am tráth. Más mian leat bheith ar liosta eolais don chúrsa, seol rphost chuig riarthóir an chúrsa, Caoimhe ní Bhraonáin, ag Dioploma.Gaeilge.Muinteoiri@tcd.ie.