Coláiste na Tríonóide ag Gluaiseacht 2025

Posted on: 14 March 2025

Beidh Coláiste na Tríonóide ag Gluaiseacht ar siúl Dé Céadaoin an 19 Márta 2025.

Cad é Coláiste na Tríonóide ag Gluaiseacht?

Is lá gluaiseachta agus gníomhaíochta coirp urraithe é Coláiste na Tríonóide ag Gluaiseacht. Beidh sé ar siúl Dé Céadaoin an 19 Márta 2025 le linn na Seachtaine Sláinte & Spóirt agus ba mhaith linn go mbeadh an oiread mac léinn, ball foirne agus céimithe agus is féidir ag gluaiseacht agus go bhfaighidís urraíocht as é sin a dhéanamh.

Cibé más ag siúl, ag rothaíocht, ag rith nó ag rámhaíocht atá tú, bí páirteach agus bailigh airgead ar son cúise luachmhaire. Rachaidh an t-airgead ar fad a bhaileofar chuig dhá chiste thábhachtacha cruatain do mhic léinn — ceann amháin in oifig an Déin Shinsearaigh agus ceann eile faoi Chláir Rochtana Choláiste na Tríonóide.

Conas is féidir liom a bheith páirteach?

Ag am ar bith, is féidir leat síntiús a thabhairt anseo.

Cláraigh anseo ar Eventbrite. Féadfaidh tú clárú chun páirt a ghlacadh ngníomhaíocht fhisiciúil amháin nó in iliomad gníomhaíochtaí fisiciúla ar an lá. Maireann gach gníomhaíocht 30 nóiméad, agus is féidir leat rogha a dhéanamh idir siúl, rith, rothaíocht, rámhaíocht nó gníomhaíocht i gcathaoir rothaí.

Beidh an t-imeacht ar an láthair ar siúl i bPáirc an Choláiste ó 11am go 5pm. Is féidir leat páirt a ghlacadh go fíorúil freisin trí ghníomhaíocht a logáil ar Ghrúpa Strava Choláiste na Tríonóide idir 6am agus 11pm ar an 19 Márta.

Anuraidh, bhailíomar os cionn €10,000 agus ba bhreá linn níos mó fós a bhailiú i mbliana. Tá sé feicthe againn conas atá na cistí seo tar éis cabhrú le mic léinn i ngátar agus mar sin bheadh sé go hiontach tacú leis na cúiseanna fiúntacha seo.

Scaip an scéal, le do thoil, glac páirt agus spreag daoine eile chun é sin a dhéanamh freisin. Is deis í seo teacht le chéile mar phobal Choláiste na Tríonóide agus ár dtacaíocht dá chéile a thaispeáint.

Teagmháil do na Meáin:

Joanne Carroll | Oifigeach Cumarsáide Inmheánaí | joanne.carroll@tcd.ie | +353 86 136 8036

• Tags:
• Community
• Health
• Society
• Students