Baile
/prod01/channel_3/media/intercalated.jpg)
/prod01/channel_3/media/Test-banner---creative-arts---green.jpg)
/prod01/channel_3/media/campanile-trees.jpg)
Ár gCur Chuige
Cuirtear cúnamh agus treoir ar fáil don uile dhuine de lucht nuálaíochta na hOllscoile d'fhonn cuidiú leo ábhar a gcuid smaointeoireachta a chur i gcrích. Is féidir na bearta cúnta a chuirtear ar fáil don mhac léinn agus do lucht léinn an Choláiste a fhiosrú ar an suíomh gréasáin seo.
Cothaítear deiseanna comhpháirtíochta do lucht fiontraíochta ar fud réimsí éagsúla lena n-áirítear comhar taighde, ceadúnú teicneolaíochta, cláir oideachais, cláir luathaithe, forbairt taighde dírithe ar an margadh i ndáil le teicneolaíocht na foghlama, comhairleoireacht, agus an deis oibriú le hiarchéimithe cumasacha dochtúireachta.
Súil chun Cinn
Tá dhá thionscnamh spreagúla gaolmhara beartaithe ag Nuálaíocht & Fiontraíocht Choláiste na Tríonóide sna míonna seo romhainn amach.
- I Ráithe 1 2025, seolfaidh Coláiste na Tríonóide mol nuálaíochta de scoth na linne ar Champas Thoir Choláiste na Tríonóide. Beidh fáilte san ionad sin roimh chomhpháirtithe fiontraíochta ionas gur féidir leo bonn treise a chur faoina gcuid beartaíochta taobh istigh de mhórchóras sainiúil Choláiste na Tríonóide.
- Ar an gcuma chéanna, tá pobal comhair á chur ar bun ag an Ollscoil a bhféadfaidh fiontar seachtrach a bheith ina bhall de. Cruthófar leis an bpobal sin slite spéisiúla inar féidir ceangal a chothú le pobal Choláiste na Tríonóide. Táthar ag obair lenár bpáirtithe leasmhara faoi láthair ar fhorbairt na samhla seo.
Gheofar an scéal is deireanaí faoin dá thionscnamh sin ach súil a choinneáil ar chainéil Choláiste na Tríonóide ar na meáin shóisialta agus ar na scéalta nuachta ar an suíomh gréasáin seo.