Comhchéim Onóracha sa Ghaeilge
Déan staidéar ar an nGaeilge mar chuid de chomhchéim onóracha
Is ó an Chomhchéim Onóracha an príomhstruchtúr céime ealaíne atá ag Coláiste na Tríonóide. Tá níos mó solúbthachta ag an mac léinn féin ó thaobh conair a gcúrsa.
Tugann an Chomhchéim Onóracha sa Ghaeilge traenáil do mhic léinn le stáidéar criticiúil a dhéanamh ar theanga, litríocht agus cultúr na hÉireann agus na hAlban ón dara haois déag go dtí an lá atá inniu ann. Déantar staidéar ar réimse leathan téacsanna agus údar, agus cuirtear bunscileanna na hanailíse teangeolaíche agus liteartha os comhair na mac léinn, chomh maith le gnéithe den stair shóisialta, paileagrafaíocht, agus béaloideas. Cuid lárnach is ea Gaidhlig na hAlban i sruth na Nua-Ghaeilge.
Campas Shabhal Mòr Ostaig ón aer
Bíonn go leor deiseanna ag mic léinn ábhair staidéir a roghnú sa chúrsa sa Ghaeilge. Sa Chomhchéim Onóracha,bíonn deis ag mic léinn sa dara bliain staidéar a dhéanamh ar rudaí iomlán nua, idir 'Trinity Electives' agus modúil oscialte ó ranna eile, agus i roinnt cásanna, ag roghnú Mionábhair nua. I mblianta na céime (Bliain 3 agus 4), féadfaidh mic léinn díriú níos mó nó níos lú ar ábhair ar leith trí mion- agus mór-ábhar a roghnú, nó an dá abhar achoimeád ar chomhsheasamh. Roghnaítear modúil ó liosta roghanna gach bliain. Athraíonn na roghanna seo ó bhliain go bliain agus bíonn réimse leathan topaicí ar fáil. Sa tríú bliain bíonn deis ag mic léinn (ag brath ar an gconair a roghnaítear) dul thar sáile ar Erasmus.
Sa cheathrú bliain, bíonn rogha ag na mic léinn leanúint lena gcuid staidéar i gceann amháin den dá ábhar, Gaeilge nó an t-ábhar eile, nó an dá cheann a choinneáil. Is í aidhm shainiúil an ceathrú bliain deis a thabhairt do mhic léinn díriú ar an ábhar is fearr leo leis an miontráchtas. Sa tráchtas (c. 10,000 focal) ach go háirithe, a scríobhann siad faoi stiúir bhall de fhoireann na roinne, tá deis acu pé gné den Nua-Ghaeilge a scrúdú go mion agus a gcumas scolártha a fhorbairt.
Ar fáil 2025/26
Tabharfaidh an Chomhchéim Onóracha sa Luath-Ghaeilge traenáil do mhic léinn le stáidéar criticiúil a dhéanamh ar theanga, litríocht agus cultúr na hÉireann agus na hAlban ón tréimhse is luaithe go dtí an dara haois déag. Déantar staidéar ar réimse leathan téacsanna agus údar, agus cuirtear bunscileanna na hanailíse teangeolaíche agus liteartha os comhair na mac léinn, chomh maith le gnéithe den stair shóisialta, paileagrafaíocht, béaloideas agus focleolaíocht chomparáideach. Déantar staidéar ar ghaolmhaireachtaí Ceilteacha agus Ind-Eorpacha na Gaeilge, agus sa tríú agus sa cheathrú bliain cuirtear cúrsa ar fáil sa Nua- agus sa Mheán-Bhreatnais, ach an fhoireann a bheith ar fáil chuige.
Eolas úsáideach: IMLÍNE AR NA MODÚIL - imlíne ar an measúnú agus ar na torthaí foghlama in gach modúl, Luath agus Nua.
Caith súil ar an lámhleabhar don Chomhchéim Onóracha leis an Nua-Ghaeilge nó don Chéim Aononóra maidir leis an Luath-Ghaeilge. Cuirfear lámhleabhar don Comhchéim Onóracha le Luath-Ghaeilge ar fáil samhradh 2025.
Tiocfaidh tú ar an bhfoirm le haistí a chur isteach anseo (doiciméad Word).