An Ghaeltacht

Mar chuid den chéim sa Nua-Ghaeilge, ní mór do gach mac léinn ceann de mhórchanúintí na Gaeilge a roghnú (Connacht, Mumhan nó Uladh) do na ranganna sa teanga labhartha. Caithfear dhá mhí ar a laghad a chaitheamh i gceantar Gaeltachta i rith na céime. Tá deontais ar fáil do gach mac léinn gach bliain le tréimhse ama a chaitheamh tumtha i saol na Gaeltachta.

Caitheann cuid mhaith d'ár gcuid mac léinn an samhradh ar chúrsaí Gaeilge nó ag obair i gceantair Ghaeltachta. I mí Bealtaine gach bliain, cuirtear dianchúrsa ar fáil do mhic léinn na Tríonóide amháin in Áras Mháirtín Uí Chadhain, Conamara. Deis iontach í seo do mhic léinn aithne ceart a chur ar a chéile, agus feabhas a chur ar a gcuid Gaeilge roimh thús na bliana nua.